في 2003 شركه GM أنهت حياة أول عربية تعمل بالكهرباء
بعد ما انتجت اكتر من 1000 عربيه وفشلت فشل ذريع
من هنا جت الفكره لاتنين مهندسين Martin و Marc
لإنشاء Tesla Motors للسيارات الكهربية من فلوسهم الخاصة
ـ
في 2004 كان اول الممولين والداعمين للشركه Elon Musk
مول الشركة بمبلغ 7.5 مليون دولار واصبح رئيس مجلس إدارة الشركة
في 2005 مول الشركه للمره التانيه بمبلغ 13 مليون دولار الشركه كان عنده خطه وهي إنتاج عربيات رياضية سريعة تعمل بالكهرباء سعرها مرتفع وتستغل الناس الي بتحب تشتري الحاجة قبل الكل ويستغلو الفلوس من البيع في تطوير موديلات اخرى لحد ميوصلو للـ mass production
الشركة مكنش عندها خط انتاج او مصنع كبير يخليها تنتج عربيه لوحدها من الصفر فعملوا اتفاق مع شركة Lotus تصنع لهم 2,500 عربيه بدون ماتور
وهما هيصنعو الموتور الكهربائي ويضيفو للعربيه ،وكان اول عربيه اسمها Roadster
كانت اول عربيه بتشتغل بطارية ليثيوم وبتمشي مسافة 320 كيلو متر بشحنه واحده
وبتوصل لسرعة 96 كيلو في 3.7 ثانية و 165 كيلو في 12وكان تمن العربيه مبين 110 الف الى 160 الف دولار اتباع 2250 عربيه في الفترة من 2008 الى 2012
في 2007 الي 2008 إيلون ماسك لحق الشركه مرتين من الافلاس ومولها بـ 80 مليون وسرح 25% من العمال و أصبح المدير التنفيذي في سنه دة elon كان صرف كل فلوسه علي شركه SpaceX و Tesla
في 2009 أعلنت الشركه عن Model S وشركه Daimler المالكة لمرسيدس اشترت 10% مقابل 50 مليون دولار راحت شركة Toyota دخلت علي نفس الخط ودفعت 50 مليون هي كمان مقابل نسبة :D مرسيدس باعت حصتها بعد كده بـ 780 مليون دولار
تويوتا استنيت شويه و باعت حصتها مقابل 1.2 مليار شركة تيسلا هي المورد الوحيد لبطاريات عربيه مرسيدس الكهربائية mercedes model b
في 2010 الشركه طرحت أسهمها في البورصة وكان سعر السهم 17 دولار ولمت 226 مليون دولار وتم بناء Tesla Factory في ولاية كاليفورنيا علي مساحه 5.4 مليون قدم مربع
في 2012 بدأ بيع Tesla Model Sووصلت انها تمشي 540 كيلو بشحنه واحده
والشركه كانت بتنزل العربيات ببطاريه بسعه اكبر من المتعاقد عليها وتقدر تشتري software update يفتح السعه الكليه للبطارية وتقدر تشتري Mode
يخلي العربيه اسرع :D حصلت علي 5.4 من 5 في تقييم الأمان وكسرت الرقم
والعربية بتوصل لسرعة 96 كيلو في 2.8 ثانية والسرعة القصوى 250 كيلو متر في الساعة وسعرها من 55 الف الي 160 الف دولار اتباع 183 الف عربيه في الفترة من 2012 إلى نص 2017
في 2014 الشركه خدت 2 مليار دولار لبدء بناء مصنع البطاريات GigaFactory
بالتعاون مع Panasonic الي هتوصل تكلفته الي 5 مليار المصنع عند التشغيل الكامل هيوصل لإنتاج العالم كله مجتمع من البطاريات الليثيوم في سنه واحدة بقدرة إنتاج
إجمالي بطاريات سنوياً 150 جيجا وات (150 GWh/yr)ودي تكفي لإنتاج 1.5 مليون عربيه Tesla في السنة
في 2015 تم بدا بيع Tesla Model x وهي عربيه SUV كبيره الحجم مقارنه
بالموديلات السابقه بشتيل لحد 7 افراد سعرها بيبدا من 70 الف الي 155 الف دولار
بتقدر تمشي 465 كيلو بشحنه واحده والعربية بتوصل لسرعة 96 كيلو في 2.9 ثانية والسرعة القصوى 250 كيلو متر ساعة اتباع منها 47 ألف عربيه في سنتين
في 2016 تم الإعلان عن Tesla Model 3 والشركه خدت تمويل وصل الي 1.7 مليار دولار وهي العربيه الي كانت احدى اهداف الشركه منذ البداية وهي الوصول الي مرحلة الإنتاج الضخم والسعر المنخفض تبدأ من 35 ألف دولار
هتقدر تمشي 498 كيلو بشحنة واحدة فقط وبتوصل لسرعة 98 كيلو في 5.1 ثانية وعلي مستوي الامان تخطت Volo غير انها فيها Full Self-Driving في أول 24 ساعة من فتح الحجز على العربية تم استقبال 180,000 طلب بمجموع 7.5 مليار
في 24 ساعة فقط والطلب حاليا وصل الي 500 الف مجموع 22 مليار دولار مبيعات :D
كل عربيات تسلا من 2014 بدا من S الى 3 مزودة بـ Autopilot و Full Self-Driving بتدفع تمنه كا software update :D تقدر تحدد المكان الي انت رايحه والعربية هتمشي لوحدها و هتوصلك المكان بدون اي تدخل منك
الشركه في 2017 أعلنت أنها دخلت مرحلة الإنتاج الضخم هتوصل في 2017 الي 5000 عربيه في الأسبوع لتصل إلى 500,000 عربيه سنويا بدا من 2018
سهم الشركه ارتفع من 17$ إلى 383$ في 7 سنين
تعليقات
إرسال تعليق